САРЫАҒАШ АУДАНЫ: РЕСПУБЛИКА КҮНІНЕ ОРАЙ ҮШ АУЫЛДА ДӘРІГЕРЛІК АМБУЛАТОРИЯ АШЫЛДЫ
Сарыағаш ауданында Республика күні мерекесіне орай бірнеше жаңа нысандар ашылып, пайдалануға берілді. Өңірдегі жаңа медициналық нысандардың ашылу салтанатына аудан әкімі Арман Абдуллаев пен Түркістан облыстық мәслихат депутаттары арнайы қатысты.
Алдымен, Жаңатұрмыс елді мекеніндегі тәулігіне 25 тұрғынды қабылдай алатын медициналық алғашқы көмек көрсететін дәрігерлік амбулатория ауыл тұрғындарының игілігіне табысталды. Одан соң, Жемісті елді мекеніндегі заманауи үлгідегі дәрігерлік амбулаторияның ашылу салтанаты өтті. Дәл осындай үлгідегі амбулатория Жемісті ауылдық округі Тың елді мекенінде де ашылды.
Медициналық нысандардың құрылыс жұмыстары «Ауыл-ел бесігі» бағдарлама аясында жүзеге асқан. Заманауи медициналық құрал-жабдықтармен жарақтандырылған амбулаторияда тіс дәрігері, узи кабинеттері, зертханалық кабинеттері бар.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
