СҰЙЫТЫЛҒАН ГАЗДЫҢ КӨТЕРМЕ БАҒАСЫ ӨСЕДІ: ТАПШЫЛЫҚТЫ ЖОЮҒА БАҒЫТТАЛҒАН ШАРАЛАР ҚАБЫЛДАНУДА
Энергетика министрлігінің мәліметінше, қазіргі уақытта сұйытылған мұнай газы (СМГ) тапшылығы шамамен 20-25%-ды құрайды. Егер алдағы уақытта газ бағасын тұрақтандыруға бағытталған саясатқа көшпесе және қажетті шаралар қабылданбаса, бұл тапшылықтың одан әрі арту қаупі бар.
Осыған байланысты министрлік сұйытылған газдың шекті көтерме бағасын тоннасына 45 158 теңгеден 51 932 теңгеге дейін көтеру туралы бұйрық жобасын әзірледі. Сонымен қатар, өңірге байланысты шекті бөлшек сауда бағасы 6 теңгеден 21 теңгеге дейін өзгертіледі.
Бұл шешім елдегі газ тапшылығын азайтуға, ішкі нарықты толық қамтамасыз етуге және газ өңдеу саласына инвестиция тартуға мүмкіндік береді. Сарапшылардың пікірінше, бұл қадам елдегі газ өндірісін тұрақтандырып, болашақта энергия ресурстарының жеткізілуін қамтамасыз етуге ықпал етеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
