ШЫМКЕНТТЕ 150 ОРЫНДЫҚ ОҢАЛТУ ОРТАЛЫҒЫНЫҢ ҚҰРЫЛЫСЫ ЖҮРГІЗІЛУДЕ
Абай ауданындағы 150 орынға арналған мүгедектерді оңалту орталығының құрылысы өткен жылы желтоқсанда басталды. Жобаға сәйкес, нысан 5 блоктан тұрады. Жалпы, жер телімі 5,3 га аумақты құрайды. Орталықта сауықтыру мақсатындағы жүзу бассейні, спортзал, акт зал, 3 қабатты оңалту корпусы, асхана және 2 блоктан тұратын 2 қабатты стационар мен қосымша техникалық ғимараттар қарастырылған.
Қазіргі таңда нысанның жер жұмыстары жалғасып, уақытша ғимараттар орнату жұмыстары жүргізілуде. Құрылыс жұмыстарына 30 жұмысшы, 29 арнайы техника жұмылдырылған. Ғимарат құрылысын 2026 жылы аяқтау жоспарланып отыр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
