ШЫМКЕНТ: КӨЛІК КЕПТЕЛІСІН АЗАЙТУ МАҚСАТЫНДА ОҢТАЙЛАНДЫРУ ЖҰМЫСТАРЫ ЖҮРГІЗІЛУДЕ
Көлік кептелісін азайту мақсатында Малқаров көшесін Жабай Тосқаба батыр көшесіне қосу жұмыстары жүргізілді. Өздеріңізге белгілі, Байтұрсынов және Рысқұлов көшелері көлік нөпірі көп магистралдар болып табылады. Осыған орай, Байтұрсынов көшесінен келе жатқан көліктер Рысқұлов немесе Арғынбеков көшелеріне түспей, Малқаров көшесі арқылы тікелей Қазиев көшесіне шыға алады.
Сондай-ақ, Қазиев көшесінен Байтұрсынов көшесіне де Малқаров көшесі арқылы өтуге болады. Бұл шешім екі жақты бағытта да қозғалыстың ыңғайлылығын қамтамасыз етеді. Сондай-ақ көлік ағынын теңестіруге және уақыт үнемдеуге мүмкіндік береді. Көлік жүргізушілері енді кептеліске тап болмас үшін аталған баламалы жолды пайдалана алады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
