ГАЗ ҚАУІПСІЗДІГІ – БАРШАҒА ОРТАҚ ЖАУАПКЕРШІЛІК

Құрметті қала тұрғындары мен қонақтары!

Шымкент қалалық орта сапасы және бақылау басқармасы газдан уланудың алдын алу бойынша тиісті жұмыстар жүргізіп келеді. Оқыс оқиғаларға жол бермес үшін сіздерді қауіпсіздік ережелерін сақтауға шақырамыз.

Қауіпсіздік талаптары:

1. Газ тұтыну жүйелерінің және газ жабдығының тиісті техникалық жай-күйін және қауіпсіздігін қамтамасыз ету.

Тұтынушыларға газ жүйелеріне және газ жабдығына техникалық қызмет көрсетуге арналған шарт жасаспай, оларды пайдалануға тыйым салынады.

Осыған байланысты газ тұтыну жүйелерімен газ жабдықтарына техникалық қызмет көрсетуді мерзімді түрде жүргізу қажет.

2. Тек жарамды құрал-жабдықты пайдаланыңыз. Пеш қаланысындағы сызаттар және бітелген мұржа ауыр зардаптарға әкелуі мүмкін.
3. Жақсы желдетуді қамтамасыз етіңіз.Газ плитасын жылыту үшін пайдалану газдан улануға әкеп соғуы мүмкін.
4. Егер газ иісі шыққанын байқасаңыз, дереу «104» газ қызметіне хабарласыңыз.

Газ пайдалану, газбен жабдықтау жүйелерінің объектілерін пайдалану қауіпсіздігі жөніндегі талаптар бұзылғанда ҚР Әкімшілік құқық бұзушылық туралы кодексінің 306-бабы бойынша әкімшілік жауапкершілік (жеке тұлғаларға 7 АЕК мөлшерінде айыппұл) көзделгенін назарларыңызға саламыз.

Газ – адамның күнделікті өмірінде кеңінен қолданылатын энергия көзі.
Ол үйді жылытуға, тамақ пісіруге және өндірістік мақсатта пайдалануға үлкен мүмкіндік береді.
Алайда газдың дұрыс қолданылмауы ауыр зардаптарға әкелуі мүмкін.
Сондықтан газ қауіпсіздігі ережелерін сақтау – әрбір азаматтың ортақ міндеті мен жауапкершілігі.

Газдың негізгі түрлері – табиғи және сұйытылған газ.
Бұл заттар адам өмірі мен мүлкіне үлкен қауіп төндіруі мүмкін, себебі газ иіссіз және түссіз болады.
Сондықтан газды пайдалануда ерекше сақтық шаралары мен тәртіпті сақтау қажет.

Газды дұрыс пайдаланбау салдарынан:

• Улану,
• Өрт шығу,
• Жарылыс,
• Адамның өміріне қауіп төну жағдайлары жиі кездеседі.

Мұндай оқиғалардың алдын алу үшін әрбір азамат газбен жұмыс істеудің қарапайым ережелерін білуі тиіс.

Негізгі қауіпсіздік талаптары:

1. Газ құралдарын тек мамандарға орнату және тексерту;
2. Газ иісі байқалған жағдайда дереу кранды жабу, терезені ашу және өрт шығару құралдарын қолданбау;
3. Балаларды газ плитасына жақындатпау;
4. Уақытылы техникалық қызмет көрсетуді қамтамасыз ету;
5. Газ есептегіштер мен шлангтардың жарамдылығын қадағалау.

Газбен жабдықтау ұйымдары мен төтенше жағдайлар қызметі халық арасында түсіндіру жұмыстарын, рейдтер мен акциялар ұйымдастырады.
Мысалы, «Газ қауіпсіздігі айлығы», «Тұрғын үйдегі қауіпсіздік ережелері» сияқты іс-шаралар азаматтардың қауіпсіздік деңгейін арттыруға бағытталған.

Газ қауіпсіздігін сақтау – тек жеке адамның емес, бүкіл қоғамның міндеті.
Бір адамның бейқамдығы мен жауапсыздығы тұтас отбасыға, тіпті көршілерге қауіп төндіруі мүмкін.
Сондықтан әр адам өз үйінде газбен байланысты жұмыстарға мұқият қарап, қауіпсіздік мәдениетін қалыптастыруы қажет.

Қорытындылай келе, газ қауіпсіздігі – баршаға ортақ жауапкершілік.
Газды дұрыс және ұқыпты пайдалану – өмір қауіпсіздігінің кепілі.
Біз әрдайым қауіпсіздік ережелерін сақтап, өзіміздің және жақындарымыздың өмірін қорғауға міндеттіміз.