ЭНЕРГЕТИКТЕР КҮНІНЕ ОРАЙ САЛА ҚЫЗМЕТКЕРЛЕРІ МАРАПАТТАЛДЫ
Бүгін Шардара қаласында орналасқан «Оңтүстік Жарық Транзит» мекемесінде 22 желтоқсан – Энергетиктер күніне орай салтанатты марапаттау рәсімі өтті.
Іс-шараға Шардара ауданы әкімінің орынбасары Бейсенбай Туребеков қатысып, сала қызметкерлерін кәсіби мерекелерімен құттықтады. Құттықтау сөзінде ол энергетика саласы мамандарының ауданның әлеуметтік-экономикалық дамуына қосып отырған зор үлесін ерекше атап өтті.
Мерекелік жиында өз ісіне адал, абыройлы еңбек етіп жүрген бірқатар қызметкерлер «Шардара ауданына – 60 жыл» мерекелік медалімен және Шардара ауданы әкімінің Алғыс хаттарымен марапатталды.
Салтанатты жиын соңында Бейсенбай Туребеков энергетик мамандарының жауапты еңбегіне ризашылығын білдіріп, ұжымға толағай табыс пен жаңа жетістіктер тіледі.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
