САЙРАМДА ӘЙЕЛДЕР КҮРЕСІНЕН ТҮРКІСТАН ОБЛЫСЫ ЧЕМПИОНАТЫ ӨТТІ

2026 жылдың қаңтар айының 19–21 күндері аралығында әйелдер күресінен жастар мен жасөспірімдер арасында Түркістан облысы чемпионаты жоғары деңгейде ұйымдастырылды. Аталған жарыс Сайрам ауданына қарасты «Ақсу жекпе-жек спорт клубы» коммуналдық мемлекеттік мекемесінің базасында өтті.

Чемпионатқа Түркістан облысының барлық аудан-қалаларынан 150-ге жуық спортшы қатысып, өзара мықтыны анықтады. Жарыс барысында балуандар жоғары дайындықтарын, шеберліктері мен қайсар мінездерін көрсете білді.

Аталған додада Сайрам ауданының бұрымды балуандары ерекше нәтижеге қол жеткізді. Атап айтқанда, спортшыларымыз:

1 алтын,

9 күміс,

15 қола медаль жеңіп алды.

Жинаған ұпайлар нәтижесінде Сайрам ауданының командасы командалық есепте І орынды иеленіп, жарыстың басты жеңімпазы атанды.

Бұл жетістік – өңірде әйелдер күресінің қарқынды дамып келе жатқанын аңғартады.

Құттықтаймыз!