АУДАН КӨШЕЛЕРІНДЕ ҚАР ТАЗАЛАУ ЖҰМЫСТАРЫ ЖҮРГІЗІЛУДЕ
Ауа райының бүгінгі жағдайына байланысты аудан орталығында тұрғындардың қауіпсіздігін қамтамасыз ету, көлік қозғалысының үздіксіз әрі қауіпсіз жүруіне жағдай жасау мақсатында қар тазалау жұмыстары жүйелі түрде ұйымдастырылуда.
Бүгінгі таңда Абасов, Қажымұқан, Тұрманжанов, Аубакиров, Азимбаев, Қазыбек би, Абай, Оразбаев көшелерінде қар тазалау жұмыстары жүргізіліп, жол бойлары мен жаяу жүргіншілерге арналған аумақтар ретке келтірілді.
Қазіргі уақытта тазалау жұмыстары жалғасуда. Жауапты мекемелер тарапынан арнайы техника мен жұмысшы күштері жұмылдырылып, жұмыстар кезең-кезеңімен ауданның басқа да көшелерін қамтитын болады.
Аудан тұрғындарынан жол қозғалысы кезінде сақтық шараларын сақтауды және коммуналдық қызмет жұмысына түсіністікпен қарауды сұраймыз.
Ордабасы ауданы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
