ШАҒЫН ЖӘНЕ ОРТА КӘСІПКЕРЛІК СУБЬЕКТІЛЕРІНІҢ САНЫ 87 076 БІРЛІККЕ ЖЕТТІ
Шымкент қаласында бүгінгі таңда шағын және орта кәсіпкерліктің негізгі көрсеткіштері бойынша оң өсім бар. 2021 жылдың 9 айының қорытындысы бойынша қалада тіркелген шағын және орта кәсіпкерлік субъектілер саны 87 076 бірлікті құрады: оның ішінде жұмыс істеп тұрған субъектілер саны – 72 681.
2021 жылы кәсіпкерлікті қолдау нәтижесінде кәсіпкерлік субьектілер санының өсімі байқалады. Жылдың соңына дейін жұмыс істеп тұрған субьектілер санын 74,0 мың бірлікке жеткізу жоспарлануда.
Шағын және орта кәсіпкерлікте жұмыспен қамтылғандар саны 168 мың адамға жеткен. Бұл көрсеткіш өткен жылдың тиісті кезеңімен салыстырғанда 104,4 %-ға артып отыр.
Шағын және орта кәсіпкерлік субъектілерімен шығарылған өнім көлемі биылғы 2 тоқсандағы жағдай бойынша 645,5 млрд теңгені құрайды. Бұл көрсеткіш 2020 жылдың тиісті кезеңімен салыстырғанда 149,8 %-ға артқан.
Шағын және орта кәсіпкерліктің әрі қарай дамуы және бекітілген индикаторлардың орындалуы қолданыстағы мемлекеттік бағдарламалардың іске асырылуы арқылы қол жеткізілетін болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
