КӘСІБИ МЕДИАТОРЛАРМЕН МЕМОРАНДУМҒА ҚОЛ ҚОЙЫЛДЫ
Түркістан облысының мамандандырылған ауданаралық әкімшілік сотында кәсіби медиаторлардың қатысуымен татуластыру рәсімдері бойынша өзара іс-қимыл және ынтымақтастық туралы Меморандумға қол қойылды.
Іс-шараға әкімшілік сотының төрағасы М.Шарипов, судьялар М.Ташев, Г.Мекембай, М.Оңласов, Түркістан облысы Қазақстан халқы Ассамблеясы жанындағы медиация кабинетінің жетекшісі Д.Кенжеқұлова және кәсіби медиаторлар қатысты.
Сот төрағасы М.Шарипов өз сөзінде дауларды сотқа дейін реттеу институтын, оның ішінде қоғамдағы шиеленіс деңгейін төмендетуге ықпал ететін медиация институтын енгізу және жан-жақты дамыту бойынша бірлескен іс-шараларды жүзеге асыру қажет екендігін айтып өтті, осыған байланысты меморандумға қол қою маңызды және өзекті екендігіне назар аударды.
Қазақстан халқы Ассамблеясы жанындағы медиация кабинетінің жетекшісі Д.Кенжеқұлова және кәсіби медиаторлар аталған меморандумға қол қоюдың маңыздылығын атап өтіп, сотқа түскен даулардың медиация тәртібімен шешілуіне барынша атсалысатындарын жеткізді.
Іс-шара соңында сот төрағасы жиынға қатысушыларды сот ғимаратындағы орналасқан медиация кабинетімен таныстырды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
