«АТА ЗАҢЫМ — АЙБЫНЫМ» КЕНТАУДА КОНСТИТУЦИЯ КҮНІ АТАЛЫП ӨТТІ
Ата Заң – кез келген өркениетті мемлекеттің басты тірегі. Бүгін сол тірегіміз, Қазақ елінің айбынды төлқұжатына 27- жыл толды. Осы күнге орай, мәдениет сарайында «Ата заңым – айбыным» атты мерекелік жиын өтті. Салтанатты шарада қала әкімі Жандос Тасов қала тұрғындарын мерекемен құттықтады.
«Бүкілхалықтық дауыс беру арқылы қабылданған Ата заңымыз өркениетті мемлекеттің барлығына тән демократиялық қағидалармен толық қамтылды. Конституция бірлігіміздің тұрақтылығы мен еліміздің тұтастығын бекітіп берді. Еліміздің Ата Заңы жаңа Қазақстан жетістіктерінің кепіліне айналды» деді.
Салтанатты жиында қаламыздың дамуына еңбек етіп жүрген бірқатар азаматтар қала әкімінің алғыс хатымен марапатталды. Қаланың өнерпаздары мерекелік сахна төрінде еліміздің егемендігін айшықтайтын өнерлерін шашу етті.
Мемлекетіміздің сарабдал саясаты мен ерік-жігерінің арқасында бейбітшілік пен келісімде өмір сүріп келеміз. Сондықтан Конституцияға құрметпен қарау, оның ережелерін орындау және іргелі заңның хатын және рухын ұстану — еліміздің әрбір азаматының тікелей міндеті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
