ШАҺАР БАСШЫСЫ ҚАР ТАЗАЛАУ ЖҰМЫСТАРЫН ТЕКСЕРДІ
Шымкент қаласының әкімі Мұрат Әйтенов қар тазалау жұмыстарын жүргізіп жатқан арнайы бригадалардың жұмысын көріп, тексерді. Аудан әкімдері мен жауапты басқарма басшыларына сын-ескертпелер айтып, нақты тапсырмалар жүктеді. Әрбір істің сапалы орындалуын талап етті.
Бүгін орталық көшелер, аяқжолдар мен аялдамаларды тазалауға 1351 адам, қар тазалау бойынша мердігер мекемелерден 139, оған қосымша 48 техника жұмылдырылды. Оның ішінде камаз, трактор, Газ 53, погрузчик, грейдер бар.
Техникалық ерекшеліктерге сәйкес жалпы орталық 443 көшенің 372-і, яғни 793 шақырымы тазаланды, қалған 71 көшеде жұмыстар жалғасуда.
Айтып өтейік, қазіргі кезде 5 ауданда 22 бағыт бойынша қардан тазалау жұмыстары жүргізілуде. Бүгіннің өзінде қаладан 10959 м3 қар шығарылды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
