ЖЕТІСАЙ АУДАНЫНДА ПОЛИЦЕЙЛЕР МАРАПАТТАЛДЫ
Полицейлердің кәсіби мерекесіне орай Жетісай аудандық полиция бөлімінде жиын өтті. Іс-шарада қызметтік міндеттерін жоғары деңгейде атқарып, үздік көрсеткіштерге қол жеткізген полицейлер мен ішкі істер органдарының ардагерлері Жетісай ауданы әкімінің, «Аманат» партиясының, мәслихат төрағасының, полиция бөлімі басшысының «Алғыс хат», төсбелгілермен марапатталды.
Полиция полковнигі Әділбек Сапарбеков әріптестерін кәсіби мерекелерімен құттықтап, қиын да қауіпті, уақытпен санаспайтын қызметтеріне сәттілік, биік абырой тіледі.
Шара соңында учаскелік полиция инспекторы Ильяс Накипбековтың құрметті зейнеткерлік демалысқа шығарып салу рәсімі өтіп, қызметкерге ПБ атынан арнайы құттықтау хат пен сый-сияпаттары табысталды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
