ТҮРКІСТАН ОБЛЫСЫНЫҢ ПОЛИЦЕЙЛЕРІ ЖОҒАЛҒАН БАЛАНЫҢ АТА-АНАСЫН АНЫҚТАП, ОТБАСЫНА ҚАЙТАРДЫ
Ордабасы аудандық полиция бөліміне Қайнар ауылы көшелерінің бірінде адасып жүрген жасөспірім туралы хабарлама келіп түсті. Көрсетілген мекенжайға бірден ювеналды полиция тобының инспекторлары шықты. Тәртіп сақшылары оқиғаның толық мән-жайын анықтау үшін жасөспірімді полиция бөліміне жеткізді.
Полицейлер баланың жеке басы мен ата-анасын, оның тұрғылықты мекен-жайын анықтау мақсатында жедел шараларды атқарды. Нәтижесінде полиция қызметкерлері жасөспірімнің ата-анасын тауып, оны отбасына аман-есен қайтарды.
Белгілі болғандай, денсаулығында кінәраты бар шымкенттік 12 жасар бала үйінен белгісіз бағытта шығып кеткен. Жасөспірімнің әкесі ұлын тауып, қауіпсіздігін қамтамасыз еткен Ордабасы ауданының полицейлеріне үлкен алғысын білдірді.
Өз кезегінде тәртіп сақшылары ата-аналарды балаларын назардан тыс қалдырмауға шақырады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
