ДҮКЕННЕН 10-НАН АСТАМ ҰЯЛЫ ТЕЛЕФОН ҰРЛАҒАН БОЙЖЕТКЕН АНЫҚТАЛДЫ
Жетісай аудандық полиция бөліміне жергілікті жердің тұрғыны арызданды. Ол өз шағымында белгісіз біреу түнгі уақытта дүкенінің есігін бұзып, сатылымда тұрған 10-нан астам ұялы телефонды ұрлап кеткенін көрсеткен. Полицейлер аталған жайтты ҚР ҚК-нің 188-бабы «Ұрлық» бойынша тіркеуге алды.
Жетісай аудандық полиция бөлімінің қызметкерлері жедел-іздестіру іс-шараларын жүргізді. Сонымен қатар дүкендегі және оған жақын аймақтардағы бейнебақылау камералары жіті қаралды.
Нәтижесінде тәртіп сақшылары сезіктінің ізіне түсті. Ол Мақтаарал ауданының жұмыссыз тұрғыны, жас қыз болып шықты. Бойжеткеннен ұялы телефондар тәркіленіп, заңды иесіне қайтарылды. Қазіргі таңда сотқа дейінгі тергеу жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
