ТҮРКІСТАН ОБЛЫСЫНЫҢ ПОЛИЦЕЙЛЕРІ 350-ГЕ ТАРТА “ТРАМАДОЛ” ТАБЛЕТКАСЫН ТӘРКІЛЕДІ

0
548

Түркістан облысының полицейлері құқық бұзушылықтарды анықтау, алдын алу, сондай-ақ есірткі құралдарының заңсыз айналымының жолын кесу жөніндегі жедел-профилактикалық іс-шаралар шеңберінде “Трамадолды” заңсыз сақтауға және өткізуге қарсы іс-қимыл бойынша рейд өткізуде.

Мәселен Түркістан облысы ПД Есірткі қылмысына қарсы іс-қимыл басқармасының қызметкерлері Келес аудандық полиция бөлімімен бірлесіп, трассалардың бірінде “ВАЗ-2107” маркалы автокөлікті тоқтатты. Жедел уәкілдер автокөлікті, ондағы жолаушыны тексеру кезінде 200-ден астам “Трамадол” таблеткасын тауып, тәркіледі. Сараптама тағайындалды. Оқиғаның толық мән-жайы анықталуда.

Жедел-іздестіру іс-шаралары барысында екі тәулік ішінде Сарыағаш және Келес аудандарында “Трамадол” препаратын заңсыз сақтау мен сатудың 7 дерегі анықталды. Полицейлер заңсыз айналымнан 350-ге жуық психотроптық таблетка тәркіледі.

Бұл жайттар ҚР ҚК-нің 296-бабы «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» мен ҚР ҚК-нің 297-бабы «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша тіркелді. Сотқа дейінгі тергеу амалдары жүргізілуде