ТҰРҒЫННЫҢ ТЕЛЕФОНЫ МЕН АҚШАСЫН ҰРЛАҒАН ЖАС ҚЫЗ АНЫҚТАЛДЫ
Сарыағаш аудандық полиция бөліміне жергілікті тұрғын арызданды. Онда жәбірленуші ер адам, жұмыс орнында тұрған сырт киімінің қалтасынан ұялы телефон мен ақшасын қолды еткенін хабарлады. Жәбірленушіге 260. 000 теңге көлемінде шығын келген. Полицейлер аталған жайтты ҚР ҚК-нің 188-бабы «Ұрлық» бойынша тіркеді.
Ақпарат алысымен оқиға орнына жылдам жеткен тәртіп сақшылар ұрлық болған шеберханаға бет алды. Жақын аймақтарды тінтіп, жіті қарап шықты. Нәтижесінде күдікке ілінген жас қыздың жеке басын анықтады. Ол жергілікті тұрғын болып шықты.
Белгілі болғандай, сезікті жас қыз, есігі ашық тұрған шеберханаға кірген. Содан қараусыз тұрған ұялы телефон мен ақшаны алып, оқиға орнынан ізін суытқан. Жас қыздан қолды болған ұялы телефон тәркіленіп, заңды иесіне қайтарылды. Қазіргі таңда сотқа дейінгі тергеп-тексеру амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
