ҚЫЗМЕТТІК ИТ ШЕКАРАДАН ЕСІРТКІ АЛЫП ӨТПЕК БОЛҒАН ШЕТЕЛДІКТІ ҰСТАДЫ
Сарыағаш аудандық полиция бөліміне «Жібек жолы» шекара бақылау бекетінен хабарлама келіп түсті. Онда «Разитта» атты қызметтік ит Өзбекстан Республикасынан Қазақстан Республикасына өтіп бара жатқан шетелдік ер адамға белгі бергені көрсетілген.
Полицейлер алған ақпарат бойынша күдік тудырған ер адамды тоқтатып, тінту кезінде оның аяқ киімінің табанына жасырып алған есірткіге ұқсас затты тапты. Алынған зат сараптамаға жолданып, оның «гашиш» есірткісі екені расталды.
Белгілі болғандай ер адам Өзбекстан елінің азаматы екені анықталды.
Қазіргі таңда оған қатысты ҚР ҚК-нің 286-бабы «Айналыстан алып қойылған заттардың немесе айналысы шектелген заттардың контрабандасы» бойынша сотқа дейінгі тергеп-тексеру амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
