ТҮЛКІБАСТЫҚ ПОЛИЦЕЙЛЕР АТА-АНА, ОҚУШЫЛАРМЕН КЕЗДЕСТІ
Түркістан облысы аумағында кәмелетке толмағандар арасындағы құқық бұзушылықтардың алдын алуға бағытталған «Жасөспірім және жауапкершілік» жедел-профилактикалық іс-шарасы ағымдағы жылдың 22-24 мамыр аралығында өткізілуде.
Іс-шараның мақсаты – демалыс кезеңінде балалардың қауіпсіздігін қамтамасыз ету, олардың заңды өкілдерінің ілесіп жүруінсіз түнгі уақытта үй-жайлардан тыс болмауы, ұсақ бұзақылық жасамауы, сондай-ақ кәмелетке толмағандарды қоғамға қарсы іс-әрекеттер жасауға тартатын адамдарды анықтау, алдын алу.
Осы бағытта Түлкібас аудандық полиция бөлімінің қызметкерлері іс-шара өткізді. Тәртіп сақшылары ауданда орналасқан «Бреусов», » А.Асқаров» жалпы орта мектептерінің жоғары сынып оқушылары, ата-аналарымен кездесті. Жиында ата-ана жауапкершілігі, жасөспірімдер арасындағы қылмысты болдырмау, жаманнан жиреніп, жақсыға асық болу сынды тәрбиелік мәні зор әңгіме өрбіді. Сонымен қатар «Б.Садықов» мектебінің оқушылары полиция бөліміне экскурсия жасады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
