ТҰРҒЫННЫҢ ТЕМІР АСТАУЫН ҰРЛАҒАН КҮДІКТІ ЕР АДАМ АНЫҚТАЛДЫ
Созақ аудандық полиция бөліміне жергілікті тұрғын өзіне тиесілі мал суаратын темір астауын белгісіз біреу жымқырып кеткені жөнінде шағымданды. Жәбірленушіге келтірілген шығын 100.000 теңге.
Аталған факті ҚР ҚК-нің 188-бабы 1-бөлігі «Ұрлық» бойынша тіркеуге алынды.
Ақпарат алған тәртіп сақшылары оқиға орнына тез арада жетіп, қылмысты ашуға қажетті барлық шараларды іске асырды. Куәлардан жауап алып, жақын аймақтарды тыңғылықты тексерді. Алынған ақпарат көздері арқылы полицейлер күдіктінің ізіне түсіп, оның тұрғылықты мекенжайын анықтады. Ол ауылдас тұрғын болып шықты.
Белгілі болғандай, күдікті артизан басында орналасқан темір астауды ешкім байқамай тұрғанын біліп, арнайы жүк көлігіне тиеп әкетіп, сатып жіберген. Бүгінде қолды болған темір астау тәркіленіп алынып, заңды иесіне қайтарылды.
Қазіргі таңда күдіктіге қатысты тергеп-тексеру амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
