«КИЕЛІ МЕКЕН»: СОЗАҚТЫҚТАР «САҢҒЫЛ БИ» КЕСЕНЕСІНДЕ СЕНБІЛІК ӨТКІЗДІ
Созақ ауданындағы Сызған ауылдық округінде «Таза Қазақстан» республикалық акциясы аясындағы «Киелі мекен» апталығындағы тазалық жұмыстары жалғасып жатыр.
Бүгінде жергілікті тұрғындар мен белсенді жастар жұмыла кірісіп, «Саңғыл би» кесенесінің ауласына тазалық жұмыстарын жүргізді. Шараға аудан әкімінің орынбасары Қалдыбек Оразов арнайы қатысып, тазалық жұмыстарының барысын бақылауына алды.
Ұйымдастырылған акция аясында кесене ауласындағы қоршаулар мен аяқжолдар қалыпқа келтірілді. Сонымен қатар, кесене аумағы тұрмыстық қалдықтардан тазартылып, ондағы шөптер мен қураған ағаш түптері оталды. Аталған акцияға 70-ке жуық белсенді жастар мен ауыл тұрғындары атсалысып, тазалыққа қажетті техникалар жұмылдырылды.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
