ОТЫРАРЛЫҚТАР АРЫСТАНБАБ КЕСЕНЕСІНІҢ АУМАҒЫН ТАЗАРТТЫ
«Киелі мекен» апталығы аясында Отырар ауданындағы Арыстанбаб кесенесінің аумағы қоқыстан тазартылды. Атқарылған шараға «Мұрагер» қоғамдық бірлестігінің мүшелері, ауыл тұрғындары мен ерікті жастар қатысты. Жұмыстар барысында кесененің айналасындағы қоршаулар сырланып, ағаш түптері әктелді. Сонымен қатар, жаяу жүргіншілер жолы бойындағы қоқыс қалдықтары да жинақталды.
Айта кетсек, Арыстанбаб – X-XI ғасырларда өмір сүрген, ислам ғүламаларының бірі және Қожа Ахмет Ясауидің ұстазы. Кесенеде Қарға баба, Лашын баба және Шерімбет әздер жерленген. Құрылыстың бастапқы мазары XIІ ғасырда басталып, кесенені XІV ғасырда Әмір Темір тұрғызған. Кесенеге соңғы жөндеу жұмыстары 2004 жылы жүргізілген.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
