БӘЙДІБЕКТЕ ДОМАЛАҚ АНА КЕСЕНЕСІНІҢ АУМАҒЫНА КӨГАЛДАНДЫРУ ЖҰМЫСТАРЫ ЖҮРГІЗІЛДІ
«Таза Қазақстан» республикалық акциясының «Киелі мекен» апталығы аясында Бәйдібек ауданындағы киелі мекендерді абаттандыру жұмыстары күнделікті жүргізілуде. Аудандағы Бәйдібек ата кесенесі, Аппақ ишан сәулет-көркем мұражайы, Ақмешіт үңгіріне сенбіліктер ұйымдастырылып елді мекендердегі ескерткіштер жаңалануда.
Бәйдібек ауданының прокуроры Мәди Байтелиев, прокуратура қызметкерлері, №19 колледж студенттері және аудан жастарымен бірге Домалақ ана кесенесінің аумағына көшеттер екті.
Сонымен қатар Домалақ ана бұлағының аумағына сенбілік ұйымдастырылып, талдардың түбін әктеу, қураған ағаштар мен қоқыстарды тазалау жұмыстары жүргізілді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
