АУДАН ӘКІМІ ҚҰРЫЛЫС НЫСАНДАРЫН АРАЛАДЫ
Аудан әкімі Азат Оралбаев салаға жауапты бөлім басшыларымен бірге аудан аумағында іске асып жатқан құрылыс нысандарын аралап, жұмыс барысын бақылады.
Алдымен Ордабасы тарихи-мәдени қорығында жүргізіліп жатқан абаттандыру жұмыстарын тексеріп, оның сапасына назар аударды.
Содан соң аудан әкімі Қараспан ауыл округіндегі Батырата ауылындағы балалар лагеріне табан тіреп, бүгінгі жай-күйін бақылады. Көп жылдан бері аудан балалары үшін өзекті мәселе болып келген лагер құрылысы биылғы жылы күрделі жөндеуден өтіп толығымен шешімін таппақ.
Сондай-ақ «Темірлан Абаттандыру» мекемесінің ғимаратының құрылыс барысымен танысып, жылдамдатып құрылысты аяқтау қажеттігін айтты.
Бұдан бөлек, Қажымұқан Мұңайтпасов атындағы мәдени-спорттық кешенінің құрылысын мердігерге құрылыс сапасын арттыру және кемшілік тұстарын бірігіп реттеу бойынша жұмыстар жүргізуді тапсырды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
