ТҮРКІСТАНДЫҚ БОКСШЫЛАР КОРОТКОВ ТУРНИРІНДЕ ТОП ЖАРДЫ
Ресейдің Хабаровск қаласында Константин Коротковты еске алуға арналған халықаралық бокс бәсекесі аяқталды. Ерлер арасында түркістандық үш боксшы финалға жолдама алған болатын. Олар: Сәкен Бибосынов, Сағындық Тоғамбай және Нұрлан Сапарбай.
54 келіде, яғни, жаңа салмақта бақ сынаған жерлесіміз Сәкен Бибосынов ресейлік Денис Пальшинді тізе бүктіріп, алтыннан алқа тақты.
Ал 92 келідегі талантты боксшы Сағындық Тоғамбай алаң қожайыны Cергей Слободянмен жұдырықтасып, күміс жүлдеге қол созды. Сондай-ақ +92 келіде өнер көрсеткен Нұрлан Сапарбай мен ресейлік Орудж Мамедов арасындағы жекпе-жек тартысты өтті.
Қорытындысында түркістандық сайыпқыран мықты деп танылып, жеңіс тұғырының ең биік сатысына көтерілді. Ал 67 келіде Мұхаммедсабыр Базарбайұлы қола медальды қанағат етсе, әйелдер арасында 66 келіде рингке көтерілген дарынды ару Аружан Жаңабаева да қола жүлдені місе тұтты.
Осылайша Мырзағали Айтжанов шәкірттері халықаралық бокс додасында өздерінің мықтылықтарын тағы да дәлелдеді.
Түркістан облысы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
