ТҮРКІСТАНДА БАСКЕТБОЛШЫЛАР МАРАПАТТАЛДЫ
Шаhар басшысы Нұрбол Тұрашбеков Павлодар қаласында баскетбол спорт түрінен болып өткен жарыстан кубокпен оралған түркістандық баскетболшыларды құттықтап, оларға құрмет көрсетті.
Павлодар қаласындағы Педагогикалық университтінің базасында өткен республикалық ұлттық лига жарысының баскетбол 3х3 турнирінен Түркістан қаласы, Төле би атындағы №19 жалпы орта мектебінің командасы қатысып, 1 орынға ие болып және турнирдің бас кубогын жеңіп алды.
Қабылдауға келген мектеп директоры Алтынбек Момбеков, жаттықтырушы Бобир Файзуллаев және спортшы қыздар Шапағат Мұқтарқызы, Василя Бобирқызы, Айнұр Мұратқызы, Гүлсара Рахимбайқызын әкім арнайы Алғыс хаттармен марапаттап, сый-сияпаттар табыстады. Қала басшысы жеңімпаздарға сәттілік тілеп, осындай жеңістердің көптеп болуы үшін аянбай жаттығу керек екендігін айтты. Жерлестерімізді мараппаттарымен шын жүректен құттықтаймыз.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
