ТҮРКІСТАНДА «ЕЛІМ ҮШІН ДҰРЫС ТАҢДАУ ЖАСАЙЫҚ!» КОНЦЕРТТІК БАҒДАРЛАМАСЫ ӨТТІ
Қазақстан Республикасы Президентін Сайлауына орай «Елім Үшін дұрыс таңдау жасайық!» атты мәдени-концерттік шарасы бүгінде жалғасын тапты.
Яссы секторының тұрғындарына арналған кеш Түркістан жоғары медицина колледжінің акт залында өтті. Концерттік бағдарламада Түркістан қалалық мәдениет үйінің өнерпаздары өнер көрсетіп, көрерменге көтеріңкі көңіл-күй сыйлады. Яссы секторының меңгерушісі Адырбек Бименов сөз алып, осындай шараны ұйымдастырған Түркістан қалалық Мәдениет үйіне ерекше алғысын білдірді.
Патриоттық жанрда ән шырқалып, күміс-көмей әншілер туған ел, туған жер тақырыбында жүрек қылын шертер әндерді орындады. «Семсер» тобы толғауымен жастарға жігер берсе, елді ынтымақ пен бірлікке үндейтін әсем әндерде сахнаны сазды үнге бөледі.
Концерт соңында шараны ұйымдастырушылар сектор тұрғындарын 20 қараша күні бәріміз Сайлауға белсенділік танытып, атсалысып, қатысуға шақырды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
