ТҮРКІСТАН ОБЛЫСЫНЫҢ ПОЛИЦИЯ ДЕПАРТАМЕНТІНДЕ САПТЫҚ БАЙҚАУ ӨТТІ
Бүгін Түркістан облысы Полиция департаменті ғимаратының алаңында жеке құрамның жалпы гарнизондық саптық байқауы өтті. Негізгі мақсат – қоғамдық тәртіпті сақтау және жол қауіпсіздігінің алдын алу бойынша тапсырмаларды орындауда жеке құрамның даярлығын тексеру. Байқауға департамент басшылығы мен сыртқы құрылым сақшылары қатысты.
Іс-шараның ашылуында ҚР Мемлекеттік Туы салтанатты түрде кіргізілді. Түркістан облысы Полиция департаментінің бастығы полиция генерал-майоры Мұрат Қабденов жеке құрамға қоғамдық тәртіпті қамтамасыз ету қызметін лайықты, сапалы атқаруды тапсырды.
Шара кезінде облыстың бас полицейі тәртіп сақшыларының нысанды киімдерін, қызметтік куәлік, бейнежетон мен планшеттердің жарамдылығын, сондай-ақ қызметтік автокөліктің техникалық жағдайын тексерді.
Саптық байқау соңында қызметтік міндеттерін атқаруға кіріскен жеке құрамның салтанатты шеруі мен патрульдік полицияның автоэкипаждарының жүріп өтуі ұйымдастырылды. Айта кетейік, бұдан былай гарнизондық таратулар ай сайын жүргізілетін болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
