КӨЗ МАЙЫН ТАУЫСҚАН КӨКЕМ-АЙ!
Қажымайтын, қайыспайтын қара нар, ертедегі Ертөстікке барабар Қабдеш ағамның қазасы барша қазақтың қабырғасын қайыстырды.Жиырма жылдай бұрын ағамен жүргізген сыр-сұхбатым «Қазақ əдебиеті» газетінің айқарма бетіне «Ақ қағаз-арым, қара сия-қаным» деген тақырыппен жарияланып еді.Ақ қағаздай арына қара сиядай қанын тамшылатып, халқының қамы үшін, көркем дүниенің нəрі үшін көз майын тауысқан көкем-ай! Өзіне ілестіріп тұтас бір дəуірді ала кеткендей.Ешкімнің қас-қабағына қарамай қара қылды қақ жарып сөйлейтін қайран ағаны қайдан табамыз? Бұл фəнидің тозағын да аз көрмеген арғымақ мінезді асыл ағам-ай!
Жатқан жеріңіз жəннатта болсын.
Көпен ƏМІРБЕК
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
