ШЫМКЕНТТЕ «ЖАЙЛЫ МЕКТЕП» ҰЛТТЫҚ ЖОБАСЫ АЯСЫНДА 18 БІЛІМ НЫСАНЫНЫҢ ҚҰРЫЛЫСЫ ЖОСПАРЛАНҒАН
Бүгін Премьер-Министр Әлихан Смайыловтың төрағалығымен селекторлық режимде «Жайлы мектеп» ұлттық жобасын іске асыру мәселелері бойынша жиналыс өтті. Жиында білім нысандарының құрылыс жоспары, осы бағыттағы өзекті мәселелер мен ұсыныстар талқыланды.
Шымкентте пилоттық жоба аясында 28 мың орындық 18 мектептің құрылысын іске асыру жоспарланған. Соның ішінде 17 300 орындық 12 мектептің құрылысын 2024 жылы, 10 300 орындық 6 мектептің құрылысын 2025 жылы аяқтау көзделген. Осыған дейін 12 мектептің мердігер мекемелері анықталып, келісімшарттар түзілді.
Қазір 12 нысанда құрылыс-монтаждау жұмыстары басталып, оның екеуінде жер телімі жұмыстары жалғасуда. Қалған нысандарда ғимараттың іргетасы құйылып, темір-бетонды конструкциялау жұмыстары атқарылуда.
Сонымен қатар, Нұршуақ, Достық, Ынтымақ, Тұран, Оңтүстік-Шығыс, Бозарық елді мекендерінде 6 жобаға сараптама қорытындысын алу жоспарланып отыр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
