КЕЛЕС АУДАНЫНДА ЖАҢА МЕКТЕП ПАЙДАЛАНУҒА БЕРІЛДІ
Келес ауданы, Жүзімдік ауылдық округіне қарасты Жүзімдік елді мекенінде 300 орындық мектептің жаңа ғимараты ел игілігіне берілді. Мектептің ашылу салтанатына аудан әкімі Жәнібек Ағыбаев қатысып, ұстаздар мен оқушыларды, жергілікті тұрғындарды жаңа білім ордасымен құттықтады.
Заманауи оқу құралдарымен жабдықталған зәулім мектепте арнайы сыныптары бар. Іс-шара барысында мектеп лентасын қиып, келген қонақтар оқу ордасының кабинеттерін, асханасын, спорт залы мен кітапханасын аралап көрді.
Айта кетейік, «Толағай» негізгі орта мектебінде қазіргі таңда 18 педагог, 6 қызметкер жұмыспен қамтылған. Мектептің жалпы құрылысына 300 млн. теңгеге жуық қаржы жұмсалған. Мектепте балалар мемлекеттік-жекеменшік серіктестік аясында жан басына қаржыландыру бойынша оқытылады.
Түркістан облысы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
