ШЫМКЕНТТЕ ҚОҒАМДЫҚ КӨЛІКТЕРДЕГІ БЕЙНЕКАМЕРАЛАР ЖЕДЕЛ БАСҚАРУ ОРТАЛЫҒЫНА ҚОСЫЛАДЫ
Шымкент қаласының Полиция департаментінде қоғамдық көліктерде тәртіп пен қала көшелерінде жол қауіпсіздігін қамтамасыз ету мақсатында жиналыс өтті.
Жол қауіпсіздігі, жолаушылар мен жүргізушілердің өзекті мәселелері қаралған кездесуге Жолаушылар көлігі және автомобиль жолдары басқармасының қызметкерлері, қаладағы 11 көлік компаниясының өкілдері мен аталған департаменттің басшылық құрамы қатысты.
Жиында автобустарды толық бейнебақылау камерасымен қамту, оны тікелей жедел басқару орталығына қосу тақырыбы қозғалды. Сонымен қатар, жүргізушілердің жолаушылармен қарым-қатынасын реттеу, қоғамдық көлікті сергек күйде басқару үшін ауысым арқылы жұмыс уақытын 8 сағаттан асырмау және автобустардың соңғы аялдамасын талапқа сай жасау барысы сөз болды. Осы орайда жүргізушілер тарапынан жол ережесін қатаң сақтау мәселелері де талқыланды.
Кездесу барысында көлік компанияларының өкілдеріне қоғамдық көліктердегі келеңсіз жағдайлар туралы ескертіліп, сондай-ақ пікірлер алмасып, бірқатар ұсыныс қаралды.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
