МАҚТААРАЛДА РЕСПУБЛИКАЛЫҚ АКЦИЯ АЯСЫНДА 5 000 ТҮП ГҮЛ ЕГІЛІП ЖАТЫР
![](https://ara24.kz/wp-content/uploads/2024/04/3ae6aab4-cbff-40ed-b551-9ff3e7ee923a-1-905x613.jpg)
«Таза Қазақстан» республикалық экологиялық акциясы аясында Мақтаарал ауданының орталығы Мырзакент кентінде жаппай гүл егу жұмыстары басталды. «Мырзакент қызмет» мемлекеттік коммуналдық кәсіпорны 1 000 түп георгина, 1 500 түп гарцания, 1500 түп сальвия, 500 түп анютка және 500 түп раушан сынды гүлдердің бірнеше түрі егіп жатыр. Сондай-ақ, аудан орталығындағы кәсіпкерлік мекемелер де өз аулаларында көгалдандыру жұмыстарын жүргізуде. «Егіліп жатқан гүлдердің өз ерекшеліктері бар. Сабағы нәзік болғанмен, тамыры қуатты. Гүл - кез-келген адамның көңіліне жылу сыйлайды. Әдеміліктің, сыйластықтың символы. Бұл жұмыстар акция аясында жандана түсті. Алдағы уақытта жалғасын табатын болады» - деді «Мырзакент қызмет» МКК-ң директоры Тимур Адамбек.
Түркістан облысының Өңірлік коммуникациялар қызметі
![](https://ara24.kz/wp-content/uploads/2024/04/3ae6aab4-cbff-40ed-b551-9ff3e7ee923a-1-1024x682.jpg)