ХАЛЫҚТЫҢ НАРАЗЫЛЫҒЫН ТУДЫРАТЫН МӘСЕЛЕЛЕР ШЕШІЛУІ КЕРЕК
Бүгін аудан әкімі Азат Оралбаевтың, ауданның прокуроры Абзал Қыдырбайдың және аудандық ішкі істер басқармасының басшысы Ғалымжан Қуашбаевтың, сонымен қатар ауыл әкімдерінің, тиісті сала мамандарының қатысуымен “Инвесторларды қорғау жөніндегі прокурорлық сүзгі” жобасы бойынша жиын болып өтті.
Бұл Президенттің тапсырмасы негізінде қолға алынған жоба. Негізгі мақсаты-инвестициялық жобаларды прокурорлық сүйемелдеу тетігін жетілдіру және профилактикалық тиімді құралдарды енгізу.
Аудан прокуроры инвесторларды қорғау бағытында қолға алынған шараларға кеңінен тоқталып, ауданда кәсіп ашуға ниетті инвесторларға заң аясында кедергісіз жәрдем көрсету керектігін айтты. Сондай-ақ салық, төтенше жағдайлар сынды мекемелерді кәсіпкерлерді тексеруге қатысты хабарламаларды негізсіз бермеуге шақырды. Яғни, барлығы прокуратура органдарымен келісілген түрде жүзеге асу керектігін тілге тиек етті.
Аудан әкімі инвесторларға қолайлы жағдай жасауда ауданда тындырымды тірліктердің атқарылып жатқандығын айтып, десе де жер қойнауын заңсыз пайдаланған кәсіпкерлерге, қоршаған ортаға, тұрғындардың денсаулығына зиянын тигізіп жатқан кейбір өндіріс орындары мен кәсіпорындарға заң аясында шара көрілу керектігіне кеңінен тоқталды. Яғни, “Халықтың наразылығын тудыратын мәселелер шешімін табуы тиіс” деді.
Аудан әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
