ТҮРКІСТАН: САРЫАҒАШТЫҚТАР ЭКОЛОГИЯЛЫҚ АКЦИЯҒА БЕЛСЕНЕ ҚАТЫСУДА
Бүгін Сарыағаш ауданында «Таза Қазақстан» республикалық экологиялық акциясы аясында тазалық жұмыстары қарқынды жүргізілуде. Бастама аудандағы «Жібек жолы» кеден бекетінен бастап, республикалық маңызы бар автожол бойына дейін жалғасты. Тазалық жұмыстары барысында күл-қоқыстар шығарылып, ағаштар әктелді. Тазалық жұмыстарына аудандағы еріктілер мен белсенділер, жастар және мекеме қызметкерлері, ауыл тұрғындары қатысуда.
Бұдан бөлек, экологиялық акция аясында аудандағы орталық аурухананың қызметкерлері де аурухана маңында тазалық жұмыстарын қолға алған. Тазалық денсаулық кепілі екенін жіті түсінетін медицина қызметкерлері де науқанда белсенді.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
