ТҮРКІСТАН: САЙРАМДА ЭКОАКЦИЯ АЯСЫНДА АРЫҚ-АТЫЗДАР ТАЗАРТЫЛДЫ
Сайрам ауданының Арыс ауылдық округінде «Таза Қазақстан» республикалық экологиялық акциясының «Таза өлке» апталығы аясында біршама шаралар қолға алынды. Атап айтқанда, елдімекен тұрғындары мен қоғам белсенділері, кәсіпорын қызметкерлері және қала жастары Арыс өзенінің бойы мен орталық көшелерді, «Темір баба» кесенесі аумағында тазалық жұмыстарын жүргізді. Жалпы саны 500-ге жуық адамның қатысуымен өткен тазалық акциясында күл-қоқыс шығарылып, 3 шақырым арық-атыз тазартылды.
Сондай-ақ, санитарлық тазалық пен көріктендіру жұмыстары бойынша көше бойлары тазаланып, скверлер аумағындағы ағаштар әктелді. Тұрғындардың қызу қолдауымен қарқынды өткен тазалық акциясында жалпы саны 1 500 түп ағаш көшеттері отырғызылды.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
