«Қысыр әңгіме» байқауына! ЖИНАЛЫСТАҒЫ ЕКЕУДІҢ ӘҢГІМЕСІ
— Кімге қол соғамыз?
— Үлкен басшыға ма?
— Жоқ! Былықтың басында тұрған — сол.
— Қасындағы қосшыға ма?
— Жоқ, басшының құйыршығы ол.
— Онда, «малшыға» ма?
— Жоқ! Ол — «жалғасқан жол».
— Олай болса, «жалшыға»?
— Жо-жоқ, «әкесін» жерге қаратпас ол.
— Аузы дуалы ақсақалға ма ендеше?
— Жо-о-оқ, оның «сақал» қойғаны кеше.
— Енді кімге?
— Ешкімге! Көп екен, көп екен «арам қол».
— Бар ма өмірде адал қол?
— Әрине,
— Кімде?
— Қара еңбекшіде.
— Сөйлемейді ғой еңбекші мінберде,
Қол соқпаймыз ба сонда ешкімге?
— Неге? Соғамыз. Тек бір сәт, әдемі сөзге.
Базаркүл Оразбекқызы
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
