АҚҚОЙЛЫДА ЭКОЛОГИЯЛЫҚ АКЦИЯ ӨТТІ
«Таза Қазақстан» экологиялық акциясы аясында Шұбар ауылдық округіне қарасты Аққойлы ауылында сенбілік өтті.
Аталған шараға аудан әкімі Азат Оралбаев, облыстық мәслихаттың депутаты Дулат Әбіш, аудандық мәслихаттың төрағасы Бақдәулет Жұмабеков, аудандық аурухананың бас дәрігері Болатхан Сағымбеков, аудандық қоғамдық кеңестің төрағасы Бақытжан Бекбосынов арнайы қатысып, Аққойлы ауылын көгалдандыруға үлестерін қосты.
Олар Ишан базар “Ақмешіт” тарихи-мәдени кешенінің аумағына ағаш көшеттерін отырғызды. Одан бөлек тұрғындар маусымдық гүлдер екті.
Сонымен қатар Аққойлыдағы медициналық тірек пен мектептің аулалары абаттандырылып, ағаш көшеттері отырғызылды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
