Тұрғындар өтініші — басты назарда
Шымкент қаласы Қаратау ауданының әкімі А.Әліқұлов аудан тұрғындарын кезекті рет жеке мәселелері бойынша қабылдады.
Кезекті жеке қабылдау барысында аудан басшысы азаматтардың әлеуметтік мәселелерін, оның ішінде мүмкіндігі шектеулі балаларға қолдау көрсету, әлеуметтік көмек көрсету және аулаларға балалар ойын алаңшаларын орнату, жер телімі секілді өзекті мәселелерін тыңдады. Оңтайлы шешілу жолдарын қарастыру мақсатында тиісті сала мамандарына тапсырма жүктеді.
Еске сала кетейік, аудан әкімінің тұрғындарды жеке қабылдауы күнделікті (жұмыс күндері) сағат 9:00-10:00 аралығында өткізіледі. Жеке қабылдауға алдын ала жазылу үшін 77-45-64 байланыс нөміріне хабарласып тіркеле аласыз.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
