КӨРКЕМ ГИМНАСТИКАДАН VI ЖАСТАР ОЙЫНДАРЫ БАСТАЛДЫ
Шымкент қаласында көркем гимнастикадан ҚР VI Жастар спорттық ойындары басталды. Төрт жылда бір өтетін спорттық бәсеке 26 ақпан мен 1 наурыз аралығына жоспарланған. Кеше жарыстың салтанатты ашылу рәсімі өтті.
Көркем гимнастикадан Жастар ойындарына еліміздің барлық өңірлерінен және Астана, Алматы, Шымкент қалаларынан, жалпы 300-ден астам спортшы қатысады. Жарыс жекелей және топтық жаттығу бойынша үш жас ерекшелігі аясында өтеді. Шымкент қаласынан жауапты сайыста жалпы 25 спортшы бақ сынап жатыр.
VI Жастар спорттық ойындары – жас спортшылардың шеберлігін шыңдап, болашақ чемпиондардың қалыптасуына жол ашатын маңызды жарыс. Сондай-ақ, осы жарыста алдағы республикалық және халықаралық турнирлерге қатысатын ел үздіктері анықталады.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
