«АУЫЛЫМ АРЫС ЖАҒАСЫНДА» БАЙҚАУЫ ЖАЛҒАСУДА
Бүгін аудан орталығы Темірландағы «Шәмші» аллеясында «Ауылым арыс жағасында» атты аумақаралық өнер байқауының екінші кезеңі өтті. Бүгінгі өнер сайысында Шұбар және Шұбарсу ауыл округтерінің көркемөнарпаздары бақ сынасты.
Фестиваль бағдарлама бойынша «Этно ауыл» демалыс аймағында ауылдар ұсынған көрмемен басталып, «Шәмші» аллеясындағы ауқымды концерттік шарамен қорытындыланды.
Аудан әкімі Азат Оралбаев және аудан азаматтары арнайы барып, Этно ауылдағы көрмені көріп, ой-пікірлерін білдіріп, байқауға қатысушыларға сәттілік тіледі.
«Шәмші» аллеясындағы консертте аудан әкімінің орынбасары Олжас Болатханұлы бірқатар өнер және еңбек адамдарын марапаттады.
Шара қорытындысында қазылар алқасының шешімімен Шұбарсу ауыл округінің өнер ұжымы жеңіске жетті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
