РЕФЕРЕНДУМ КҮНІ ДЕПУТАТТАР ӨЗ ТАҢДАУЛАРЫН ЖАСАДЫ
Елімізде өтіп жатқан республикалық референдум аясында Отырар аудандық мәслихатының депутаттары Бекзат Тукеев пен Нұржан Орынбасар өздерінің азаматтық белсенділіктерін танытып, сайлау учаскелеріне барып дауыс берді.
Халық үшін маңызды саяси науқанға бейжай қарамай, депутаттар өздері тіркелген сайлау учаскелерінде дауыс беріп, ел болашағына қатысты өз таңдауларын жасады. Олар референдум – мемлекеттің дамуына, қоғамның болашағына әсер ететін маңызды қадам екенін атап өтті.
Депутаттардың айтуынша, мұндай жалпыұлттық шаралар әрбір азаматтың жауапкершілігін арттырып, елдің тағдырына бейжай қарамай, ортақ іске үлес қосуға мүмкіндік береді.
Референдум күні аудан тұрғындары да сайлау учаскелеріне белсенді түрде келіп, өз таңдауларын жасауда. Бұл – халықтың ел болашағына деген жауапкершілігінің айқын көрінісі.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
