ШЫМКЕНТТЕГІ 9 ШАҒЫНАУДАН БИЫЛ КАНАЛИЗАЦИЯЛЫҚ КОЛЛЕКТОРҒА ҚОСЫЛАДЫ
Шымкент қаласында Арғынбеков көшесінің бойымен Жібек жолы көшесінен бастап №2 коллекторға дейін канализациялық коллектор құрылысы қарқынды жүруде. Коллектордың жалпы ұзындығы 13,1 шақырымды құрайды. 2020 жылдың қазан айында мердігер мекеме «Сарыағаш-Аман» ЖШС тарапынан басталған құрылыс жұмыстарының бүгінде 60 пайызға жуығы аяқталды. Пресс-тур барысында қаладағы журналистер осы нысан құрылысының жұмысымен танысты.
Қалалық энергетика және инфрақұрылымды дамыту басқармасының басшысы Б.Болатбеков аталған канализациялық коллектор құрылысы 2021 жылдың соңына дейін аяқталатынын атап өтті. Нәтижесінде, Сайрам, Азат, Тассай, Мирас, Нұртас, Ұлағат, Шапағат, Солтүстік-шығыс және Самал-3 шағын аудандары коллекторға қосылады.
Естеріңізге сала кетейік, биыл қала тұрғындарын кәріз жүйесімен қамту мақсатында 13 нысанның құрылысы жүргізіліп жатыр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
