ШЫМКЕНТТЕ 215 ШАҚЫРЫМ ЖОЛ ТАҢБАСЫ СЫЗЫЛДЫ
Шымкент қаласында асфальт жолдың ұзындығы 2029,2 шақырымды құрайды. Жыл басынан бері сол жолға көліктердің жол қозғалысын реттеу, жол-көлік оқиғаларының алдын алу мақсатында 215 шақырым жол таңбалары сызылды. Оның 150 шақырымы термопластиктен болса, қалған 65 шақырымы акрильді краскадан сызылды.
Жол таңбалары Т.Рысқұлов (А.Байтұрсынов көшесінен Әл-Фараби көшесіне дейін), Желтоқсан (Д.Қонаев даңғылынан Темірлан тас жолына дейін), Тәуке хан (Сайрам көшесінен Д.Қонаев даңғылына дейін) және өзге де қала көшелеріне сызылды.
Одан бөлек, жаңа оқу жылының алдында оқушылар қауіпсіздігі үшін 15 тамыздан бастап 100-ден аса мектептің жаяу жүргіншілер жолағы жаңыртылды. Атқарылған жұмыстар нәтижесінде қаладағы жол-көлік оқиғалары азайып, жолда жүру мәдениеті қалыптаспақ.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
