ШЫМКЕНТ: «ЖЕДЕЛ ӘРЕКЕТ ЕТУ» ТОБЫ ТҰРҒЫНДАР ҮШІН ЖҰМЫС ІСТЕЙДІ
Шымкент қаласында жергілікті тұрғындармен кері байланысты күшейту мақсатында WhatsApp желісінде «Жедел әрекет ету» тобы құрылды. Бұл бастама Шымкент қалалық полиция департаментінің басшысы Ералы Жумаханбетовтың жеке тапсырмасы аясында қолға алынды.
Онда БАҚ өкілдері мен қоғам белсенділері, жергілікті тұрғындар қала аумағында орын алған құқық бұзушылықтарды фото немесе бейнежазбаға түсіріп, чатқа жібереді. Жолданған ақпараттың негізінде полиция қызметкерлері болған жайттарды дер кезінде тексеріп, заңды шешім қабылдайды.
Сонымен қатар, басқарма басшысы апта сайын өтетін департамент бастығының арызданушыларды жеке қабылдауының барысы тұрақты түрде Фейсбук әлеуметтік желісінің тікелей эфирінде ашық көрсетті және шалғай орналасқан елдімекендердің тұрғындарымен арнайы барып кездесулер ұйымдастырды.
Бұл Полиция департаментінің ашық әрі жариялы түрде қызмет атқарып, халыққа етене жақындай түсіп, қызметтегі мөлдірлікті қамтамасыз етті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
