ЖҰМАБЕК ТАШЕНОВ УНИВЕРСИТЕТІНДЕ ”ӘЛШЕКЕЙ КҮЙШІ“ ӨНЕРІ ДӘРІПТЕЛДІ…
Сыр бойы күйшілік дәстүрінің өкілі, белгілі күйші Әлшекей Бектібайұлының 175 жыл толуына орай Жұмабек Ташенов университетінде ”Әлшекей күйші” атты кітап пен күйлерінің аудионұсқасының таныстырылымы өтті. Әлшекей күйлерін орындаушы, “Шабыт” жастар шығармашыл конкурсының жүлдегері, Республикалық Дина Нүрпейісова атындағы күйшілер сайысының жүлдегері Аякөз Нұрсұлтан Әлшекей күйлерін орындап, студенттерге рухани азық сыйлады. Кездесу кеші Жұмабек Ташенов университетінің ұйымдастыруымен және ”Құрбан ата” қорының қолдауымен өтті. Иран елінен келген қазақтың күйші қызы Аякөз Нұрсұлтанға беогілі меценат Оңалбай Аяшев кәде сый жасады. Ал, қазақтың күй өнерін дәріптеп жүрген Аякөз Нұрсұлтан Халық қаhарманы Мұхтар Әлиевтің 90 жылдық мерейтойы қарсаңында өз суреті бейнеленген кілемшені Мұхтар Әлиев атындағы Халықаралық қордың президенті, қоғам қайраткері Өмірзақ Әметке сыйлады.
Кездесу соңында қонақтар естелік суретке түсті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
