КЕЛЕСТІК ПОЛИЦЕЙЛЕР ТАРИХИ-АРХЕОЛОГИЯЛЫҚ МҰРАЖАЙДЫ АРАЛАДЫ
Келес ауданының полиция қызметкерлері рухани-мәдени тұрғыда даму мақсатында, уақытпен санаспайтын қызметтерінен уақыт тауып, арнайы іс-шара ұйымдастырды. Яғни полиция қызметкерлері аудандағы жалғыз тарихи-археологиялық мұражайға барды.
Кездесу барысында тәртіп сақшылары мұражайдың құрылу тарихы мен онда тұрған тарихи жәдігерлер туралы білді. Айта кетсек, бұл мұражай 1985-1986 Жүзімдік ауылдық округі аумағында жүргізілген археологиялық қазба жұмыстарының нәтижесінде табылған көне экспонаттар үшін құрылған. Ал тарихшы мамандардың айтуынша, мұндағы жәдігерлер І-ХІІІ ғасырлардағы Қаңлы мен Қарахан мемлекеттеріне тиесілі.
Жалпы жас ұрпақты мәдениет, өнерге баулып, рухани бағытта сусындатуда мұндай іс-шаралардың берері мол. Сондықтан Келес ауданында полицейлердің қатысуымен алдағы уақытта мұндай шаралар жиі ұйымдастырылып тұратын болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
