ТӨЛЕБИЛІК ПОЛИЦЕЙЛЕР ОТБАСЫ КҮНІНДЕ ПЕРЗЕНТХАНАҒА БАРДЫ
«15 мамыр Халықаралық Отбасы күні» мерекесі қарсаңында, Төлеби аудандық полиция бөлімінің Әйелдерді зорлық-зомбылықтан қорғау тобының аға инспекторы полиция капитаны Ақмарал Боташева, әкімдіктің жұмыспен қамту және әлеуметтік бағдарламалар бөлімі әлеуметтік-психологиялық сүйемелдеу қызметі секторының меңгерушісі Қуаныш Омаров, аурухана мен емхана қызметкерлері бірлесіп, ерекше шара ұйымдастырды.
Яғни аталған мекеме қызметкерлері Төлеби аудандық ауруханасында сәбилі болған 8 ана мен Леңгір қалалық ауруханасындағы жаңа босанған 4 қыз-келіншекті мерекемен құттықтады. Сыйлықтар үлестіріп, нәресте мен аналарына ақ тілектерін жеткізді: «Мерекеге толы мамыражай мамыр айында дүние есігін ашқан сәбилеріміз туған жеріміздің мақтанышына айналар тұлға болсын!
Сіздерге ұзақ ғұмыр, мықты денсаулық, отбасыларыңызға бақ-береке тілейміз!»-деп ізгі ниеттерін білдірді. «Отбасы күнінде» өздеріне тарту жасалып, көрсетілген құрметке жас аналар ризашылықтарын білдіріп, жұмыстарына сәттілік тіледі.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
