КЕЗЕКТЕН ТЫС СЕССИЯ ОТЫРЫСЫ ӨТТІ
Бүгін аудан әкімінің орынбасары Мұрат Байгабулов Сарыағаш аудандық мәслихатының сегізінші шақырылымдағы кезектен тыс отыз алтыншы сессия отырысына қатысты. Жиынға аудандық мәслихат депутаттары, аудан әкімінің орынбасарлары, дербес бөлім басшылары қатысты.
Сессияны аудандық мәслихат төрағасы Рысбек Асылбекұлы ашып, регламентке сәйкес күн тәртібіндегі мәселелерді талқылауға ұсынды.
Күн тәртібіне енгізілген негізгі мәселе Сарыағаш аудандық мәслихатының 2024 жылғы 23 желтоқсандағы №26-190-VІІІ «2025–2027 жылдарға арналған аудандық бюджет туралы» шешіміне өзгерістер енгізу бойынша экономика және қаржы бөлімінің басшысы Азамат Мұратов баяндады.
Баяндамашыға депутаттар тарапынан сұрақтар қойылып, ұсыныстар берілді. Талқылау қорытындысында күн тәртібіндегі мәселе бойынша мәслихат депутаттары тиісті шешім қабылдады.
Сессия барысында айтылған ұсыныстар мен айтылған мәселелерге сәйкес аудан әкімінің орынбасары Мұрат Байгабулов жауапты мемлекеттік органдарға жолданатын ұсыныс хаттар әзірленетінін атап өтті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
