ОТЫРАР АУДАНЫНДА «ПОЛИЦИЯ КҮНІ» ҚАРСАҢЫНДА БІРҚАТАР ІС-ШАРАЛАР АТҚАРЫЛДЫ
«23 маусым — Полиция күні» мерекесіне орай Отырар аудандық полиция бөлімінің мәжіліс залында іс-шара ұйымдастырылды. Полиция подполковнигі Ермек Усербаев жеке құрам қызметкерлерін кәсіби мерекелерімен құттықтап, қиын да қызығы мол жұмыста аянбай тер төгіп жүргендері үшін алғыс білдірді.
Сонымен қатар ішкі істер органында қызмет атқарып, қазіргі таңда зейнеткерлік демалысқа шыққан ардагер полицейлерді құттықтады.
Жиын кезінде полиция подполковнигі Ғани Құрманбеков, полицияның шығу тарихы мен қазіргі таңдағы полицейлердің жай-күйі жайлы баяндама жасады. Жеке құрамға «Халық қаһарманы» Ғазиз Байтасов жайында бейнеролик көрсетілді.
Одан бөлек қызмет бабында қайтыс болған қызметкерлердің отбасыларына барып, полиция күні мерекесімен құттықтап, гүл шоқтары мен «Алғыс хаттар» табыстады.
Сондай-ақ «Полиция күні» мерекесіне орай аудандық мекемелер арасында гір тасын көтеру, арқан тарту, кіші футболдан тартысты жарыс өтті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
